Institutda 20 nafar chin yetim toifasiga kiruvchi hamda 108 nafar nogironligi mavjud bo‘lgan talaba-yoshlar taxsil oladi. Ushbu toifadagi shaxslarga doimiy ma’naviy va moddiy ko‘mak berib borilmoqda. Xususan 3-dekabr – Xalqaro nogironlar kuni munosabati bilan 108 nafar nogironligi mavjud bo‘lgan talaba-yoshlar 29 mln 160 ming so‘mlik moddiy rag‘batlantirildi. Imkoniyati cheklangan shaxslar uchun institut binolariga kirish qismi va TTJlarga kirish qismida maxsus panduslar qilingan. Kitob mutolaasi va dars mashg‘ulotlarini tayyorlash maqsadida Axborot resurs markazi hamda Renessans xoll faoliyat olib boradi. Bundan tashqari, Talabalar turar joylarining har 1-qavatida maxsus xonalar ajratilgan bo‘lib, nogironlar uchun barcha sharoitlar yaratilgan.

Institut Talabalar kengashining 2022-yil 1-iyun kungi 21-sonli muhokama yig‘ilishida institutda 2021/2022 o‘quv yilida TTJda turgan 25 nafar 2-guruh nogironi, 2 nafar 3-guruh nogironi, 5 nafar chin yetim va 2 nafar unga tenglashtirilgan, 1 nafar kam ta’minlangan deb e’tirof etilgan, “Temir daftar”ga kiritilgan 1 nafar, onasi “Ayollar daftari”ga kiritilgan 2 nafar, “Yoshlar daftari”ga kiritilgan 6 nafar, shuningdek, faoliyati davomida faol ishtirok etib, yaxshi natijalarga erishgan 19 nafar TTJ Talabalar kengashi a’zolarini jami 63 nafar talabalarni tegishli hujjatlariga asoslangan holda TTJ to‘lovidan imtiyozli to‘liq ozod qilindi. 2021-yil 3-dekabr - "Xalqaro nogironlar kuni" munosabati bilan Farg‘ona politexnika institutida tashkil etilgan "Sahovatpesha talaba" loyihasidagi qutilarda jami 917 000 ming so‘m pul va turli kiyimlar to‘plandi.

Ushbu qiymatliklarga "Fidoiy yoshlar" guruhi bilan birgalikda 15 turdagi oziq-ovqat mahsulotlari sotib olinib, mahalla fuqarolar yig‘ini vakillarii bilan "Muruvvat" MFYda yashovchi nogironligi bor oila vakillariga tarqatildi.