O‘zbekiston Respublikasi Prezidenti rahbarligida bo‘lib o‘tgan oliy o‘quv yurtlari talabalari bandligini ta’minlash bo‘yicha ustuvor vazifalarga bag‘ishlangan videoselektor yig‘ilishida berilgan topshiriqlar ijrosi doirasida Farg‘ona politexnika institutida talabalar uchun Mehnat yarmarkasi tashkil etildi. Viloyat prokuraturasi bilan hamkorlikda tashkil etilgan Mehnat yarmarkasida talabalarni ish bilan ta’minlash hamda ularga qulay mehnat sharoitlarini yaratib berish maqsadida viloyatning nufuzli va ko‘zga ko‘ringan 150 dan ortiq tashkilot, korxona va tadbirkorlik subyektlari hamda institutning 11 ta spin-off korxonalari mingdan ortiq bo‘sh ishchi o‘rinlari bilan qatnashdilar. Shu bilan birgalikda, viloyat Bandlik bosh boshqarmasining shahar va tuman markazlaridan talabalar uchun 2000 dan ortiq bo‘sh ish joylari ham taklif etildi