Farg‘ona politexnika institutida hozirgi kunda 14 ming 819 nafar talaba bo‘lib, 9 ming 752 nafari kunduzgi bo‘limda tahsil olmoqda. Shundan 1 754 nafari ish bilan ta’minlangan. 2 ming 622 nafari boshqa viloyatlardan kelgan, 480 nafar ijtimoiy himoyaga muhtoj va kam ta’minlanganlar va 1981 nafari bitiruvchilardir. Ishga joylashish bo‘yicha o‘tkazilgan tahlillar natijasida 2 ming 720 nafar yoshning ishga ehtiyoji borligi aniqlandi. Oliygoh qoshida tashkil etilgan 8 ta markaz, 11 ta Spin-off kompaniyalarida 280 ta ish o’rni yaratildi va u yerda ishlovchilarning barchasi institut talabalaridir! Bundan tashqari, hozirda 100 dan ortiq talaba darsdan bo‘sh vaqtida rektorat bo‘limlari, fakultetlar dekanatlari va kafedralarda ish haqi to‘lanadigan turli vazifalarda faoliyat olib bormoqda. Bugun Fargʻona politexnika institutida “Fergana Global textile” korxonasi tomonidan instituti talabalari uchun “Mehnat yarmarkasi” tashkil etildi. Mehnat yarmarkasi doirasida jurnalist va bloggerlar uchun matbuot anjumani hamda press tur tashkillandi. Ishtirokchilarni qiziqtirgan savollarga javob berildi. Shundan so'ng, jurnalistlar uchun press-tur tashkillanib, oliygohda mavjud spin-off kompaniyalari tanishtirildi.